新手怎入行

taximonkey

我好一段時間都冇揸開車,我試過係咁易補一補鐘就開工,做咗3單後炒車,唉.....現在自己都唔知點入手好,好怕又有案件重演!但係本人好LIKE依一行,我想問下咁多位C兄你地剛開始時點樣粗自己手車麻煩咁多位!

古大山

40 年前我果度有檔租車檔
同佢地熟落左之後
租佢地既車遊新界
十幾次之後
膽粗粗一個人揸住架車周圍去
卒之撞左三次細鑊......
咁就學有所成 lu ~.   

古大山

車係要多操多撞
先會有進步
我撞車次數真係罄竹難書
大大小小不知幾多次
總共無左5 份按金
包括最後昏迷左十日果一次
唔係撞車係腦充血 ～     

qk918

的士司機真唔簡單。高危性行業，收入又唔係特別高.時間又無Q曬。又無病假又無大街。唔怪得後生唔入行

Eddie

仲有係車行或者打理人只識叫你交租，但一有起事上嚟你就叫天不應叫地不聞。開住部車喺街度好似遊魂野鬼，真係要自求多福。

Regza

qk918 發表於 2016-3-16 05:10
的士司機真唔簡單。高危性行業，收入又唔係特別高.時間又無Q曬。又無病假又無大街。唔怪得後生唔入行
...

同意.  冇晒私人時間, 一收工就攰到要即刻訓覺.  冇時間運動, 成日坐, 健康越來越差, 有客咳或打乞痴就奶野.  病左唔可以請病假, 唔開得工就冇收入, 但仍要交車租!!  架車要搵地方泊, 又要俾停車場費.  唉, 有得揀我寧願去打工.

Regza

Eddie 發表於 2016-3-16 13:17
仲有係車行或者打理人只識叫你交租，但一有起事上嚟你就叫天不應叫地不聞。開住部車喺街度好似遊魂野鬼，真 ...

有次撞左人地私人地方既物件, 同對方個保安傾開, 先知佢原來以前都揸過幾年的士, 後來因為替更開工時撞車身亡, 覺得揸的士太多危險 (撞車, 賠錢俾人地, 自己部車又要賠維修費, 又冇病假大假), 所以轉去做保安.

同一日又遇到另一個客, 後生仔, 話以前都揸過幾年夜更, 但感覺工時太長(12小時), 收入又不是特高, 最後都係轉行.

jsc8i46m

車要多操,特別要留意路口小路出大路,CUT 綫要望清楚,,......唔好開太快,的士制動弱,易失控...

至於,搵食方面,可以由你熟識既區開始,如自己住個區,慢慢做,一出區,寧可吉車回到熟識地方,路綫經驗慢慢加,特別燈位唔可以衝.

我為例,我大埔長大,有親人住沙田荃灣,結婚住黃大仙,所以就以沙田為中心.,和沙田接近的大埔,馬鞍山,荃灣,黃大仙,全是射程,...初時一出以上區域,會吉車回沙田,現在熟路了,.可以在外區拎ORDER入返去,,,,,

慢慢做,..做到你可以熟某1,2個區路,就可以做ORDER..大台又得,APPS又得.專做個1,2區.一出區吉車回,慢慢學記路.....
得閒既,望望地圖,學習下,車上最好用智能電話,唔識路,特別是門牌號碼  如:鴻圖道65號 ,GPS一搵就中.....

記住...你唔撞車..就有收入..一撞的話..你日日過山都沒用.....成功,實力同運氣50/50.比你運氣拎到盡都是500元,如加上實力可以有多500....不要不要只靠運氣..

taximonkey

jsc8i46m 發表於 2016-3-16 21:41
車要多操,特別要留意路口小路出大路,CUT 綫要望清楚,,......唔好開太快,的士制動弱,易失控...

至於,搵食 ...

我都係大埔長大,其實上一次我係想租新界的士做,一來係自己地區,第二係做夜晚感覺新界好過市區,其實如果好似我地依D新手,真係好易撞,小小都係有,所以開始感覺有些困難!我都想租新界的士嚟做,但好多車行都話未有位住!

Regza

taximonkey 發表於 2016-3-20 13:21
我都係大埔長大,其實上一次我係想租新界的士做,一來係自己地區,第二係做夜晚感覺新界好過市區,其實如果好 ...

車行話未有位俾你做夜更?  乜而家咁多人入行?  你去睇下邊架的士後窗貼請人告示, 就可以搵到啦.