阿盛88 發表於 2016-11-5 23:47:21

新手點去認路, 點搵食

小弟考左牌, 但未正式抯, 現正職寫字樓工的, 前景不好
有意想轉, 諗緊的士, 小巴, 貨VAN之類, 但對的士較有興趣, 因可以去均全港咁滯

想問下各位大大, 正常一個新手, 初入行會唔會搵錢搵到倒貼嫁(因有幾舊水加油錢既皮費), 大約捱幾耐先會開始上手 (我都知因人而異, 只係想知個大約數)

咁小弟可plan下草定儲筆後備金以應付唔知幾多個月都未上手既開支...
咁上左手後, 各大大認為搵幾多先算係一個合格司機既收入呢? (剩袋計)

現在大多數地標(出名既區) 都識去, 但非大型屋企, 乜乜花園, 乜乜街/道, 或者橫街窄巷, 其實大約要抯幾耐至唔使GPS, 三個月? 一年?三年?
正式後, 多唔多要入谷? 還是獨行俠居多? 不過若似寫字樓計, 埋堆應該襟玩D 吧 :hug:
還望各位大大比下心德啦:o

古大山 發表於 2016-11-6 00:38:12

無得估喎!
人比人 比死人 ~。   :dizzy:

raysir168 發表於 2016-11-6 08:38:10

本帖最後由 raysir168 於 2016-11-6 08:46 編輯

揸的士呢家嘢,每個人嘅做法唔同,
運氣又唔一樣,所以好難講你知搵到幾多..;P
不過如果你有心入行嘅話,
可以私信我留whatsapp,
我同幾個朋友仔
大家可以交流下,话你知大概點做:lol
另外小弟係揸夜更嘅:P

Ar_matt 發表於 2016-11-7 15:32:56

你可以好似我, 先在工餘時間揸替更先,感受一下揸的士確實是怎麼樣.

Ar_matt 發表於 2016-11-7 15:55:13

我也是新手, 膽粗粗租駕車就開工, 我到現在都是揸了5更車(星期六日更), 第一日開工先學個錶點拑, 唔記得落錶又有, 唔記得起旗又有, 行錯路俾人鬧又有, 總之都係要落場親身感受先得, 最緊要唔好撞.

置於新手最關心的: 會唔會要貼? 應該唔會.
又置於揸幾錢一更先叫揾到食, 我都想知.

taxinew 發表於 2016-11-7 16:42:31

又置於揸幾錢一更先叫揾到食, 我都想知.<--最小要$800肉+車租氣錢啦。
$800+$600=$1400

阿盛88 發表於 2016-11-7 22:41:39

Ar_matt 發表於 2016-11-7 15:32
你可以好似我, 先在工餘時間揸替更先,感受一下揸的士確實是怎麼樣.

小弟就係想感受一下, 就算試一兩日完全唔做生意, 抯架車熟習下都要, 始終係四轆中的雪藏牌, 其實都唔知好冇第一浸先路路育果D補下鐘先添..
如果有師兄在傍指點, 比返一更半更酬勞又點話, 最緊要學你話頭, 唔好撞先, 果幾舊水皮費算得係咩, 講真, 相對於駕院果D 路路通都一樣要咁貴, 仲要得玩幾粒鐘:Q

阿盛88 發表於 2016-11-7 22:43:47

taxinew 發表於 2016-11-7 16:42
又置於揸幾錢一更先叫揾到食, 我都想知.

即平均一小時要搵到舊半水先叫合格? :$
如果一支旗接一支旗應該得掛, 只係唔知D 非繁忙時間會唔會吉車一吉是吉一兩個鐘就真係白燒油

Ar_matt 發表於 2016-11-8 15:38:28

$1400 是星期一至五既數? 星期六是有難度的

古大山 發表於 2016-11-13 03:47:49

本帖最後由 古大山 於 2016-11-14 13:00 編輯

$1400 夜更唔難,我多數有
但日更就..... 我祇試過一日 ~。   :dizzy:
====================
果日我做左三轉機場來回
有兩轉係去香港添喎!。   ;P
頁: [1] 2
查看完整版本: 新手點去認路, 點搵食

重要聲明:「香港的士論壇」是以即時上載留言的方式運作,「香港的士論壇」對所有留言的真實性、完整性及立場等, 不負任何法律責任。而一切留言之言論只代表留言者 個人意見,並非本網站之立場,用戶不應信賴內容,並應自行判斷內容之真實 性。於有關情形下,用戶應尋求專業意見(如涉及醫療、法律或投資等問題)。由於本 論壇受到「即時上載留言」運作方式所規限, 故不能完全監察所有留言,若讀者發現有留言出現問題,請聯絡我們。「香港的士論壇」有權刪除任何留言及拒絕任何人士上載留言,同時亦有不刪除留言的權利。切勿撰寫誹謗、人身攻擊、自問自答、開名、開車牌的言論,敬請自律。
警 告 : 本 物 品 內 容 可 能 令 人 反 感 , 不 可 將 本 物 品 派 發 、 傳 閱 、 出 售 、 出 租 、 交 給 或 出 借 予 年 齡 未 滿 18 歲 的 人 士 或 將 本 物 品 向 該 等 人 士 出 示 、 播 放 或 放 映 。