kinwai 發表於 2015-9-9 20:47:05

一係拒載一係話唔識路 王宗堯谷氣坐的士...

http://hk.apple.nextmedia.com/enews/realtime/20150909/54183989


【「司機發出奇怪聲音」】一係拒載一係話唔識路 王宗堯谷氣坐的士

前組合Freeze成員甄詠珊日前喺微博勞氣鬧爆的士司機濫收車資兼鬧佢龜婆,估唔到男神王宗堯今朝搭的士過海做嘢都遇到冇禮貌司機,佢仲喺facebook大吐苦水,王宗堯嬲嬲豬留言:「越來越感受到香港人買服務貨不對辦,又要受氣的無奈! (的士佬你可否表現專業一點)」仲貼埋張戴咗太陽鏡嘅相,唔通真係冇眼睇?

《蘋果》打俾王宗堯問吓點解咁勞氣?佢講番事發經過:「我架車攞咗去整,今朝搭的士去觀塘做嘢,等咗好多架的士都話唔載。結果走去過海的士站,上到車,司機又話唔知點行,我叫佢過東隧,司機又趷我,唔知點解。」

「以為過紅隧先有呢啲情況,經天后上東廊,遇到塞車,司機又發出奇怪聲音;去到開源道轉入鴻圖道,司機又話唔識路,總之好奇怪。」

王宗堯話,自從自己揸車後,少咗坐的士,又話未坐過Uber,但聽朋友話服務態度好好,佢支持政府放寬畀Uber一條生路:「應該有競爭囉,香港0依家好多方面都好壟斷,其實都知,打壓其他對手,市場唔放寬,香港會越來越退步。」

古大山 發表於 2015-9-10 08:17:09

Über=以前既紅牌的士
後來被取締因開天索價
政府唔會咁蠢行回舊路卦!   :dizzy:

古大山 發表於 2015-9-10 08:31:43

以前既紅牌的士係無收費咪錶
全部靠估收費
估估下就越估越多
拗撬就無日無之
卒之補錢換的士牌
無理由行回舊路嘅!。   :dizzy:

taxinew 發表於 2015-9-10 10:35:04

古大山 發表於 2015-9-10 08:31
以前既紅牌的士係無收費咪錶
全部靠估收費
估估下就越估越多


依家有GPS定位,可能唔同以前呢?時代真係唔同左,改變中。

taxinew 發表於 2015-9-10 10:43:13

我係司機ONLY,所以支持新興行業(迎合市場須要,轉型)。:D

古大山 發表於 2015-9-10 11:42:15

taxinew 發表於 2015-9-10 10:43
我係司機ONLY,所以支持新興行業(迎合市場須要,轉型)。

你係司機就要打擊對手
唔好比佢成為氣候
否則將來後悔莫及 〜   :P
頁: [1]
查看完整版本: 一係拒載一係話唔識路 王宗堯谷氣坐的士...

重要聲明:「香港的士論壇」是以即時上載留言的方式運作,「香港的士論壇」對所有留言的真實性、完整性及立場等, 不負任何法律責任。而一切留言之言論只代表留言者 個人意見,並非本網站之立場,用戶不應信賴內容,並應自行判斷內容之真實 性。於有關情形下,用戶應尋求專業意見(如涉及醫療、法律或投資等問題)。由於本 論壇受到「即時上載留言」運作方式所規限, 故不能完全監察所有留言,若讀者發現有留言出現問題,請聯絡我們。「香港的士論壇」有權刪除任何留言及拒絕任何人士上載留言,同時亦有不刪除留言的權利。切勿撰寫誹謗、人身攻擊、自問自答、開名、開車牌的言論,敬請自律。
警 告 : 本 物 品 內 容 可 能 令 人 反 感 , 不 可 將 本 物 品 派 發 、 傳 閱 、 出 售 、 出 租 、 交 給 或 出 借 予 年 齡 未 滿 18 歲 的 人 士 或 將 本 物 品 向 該 等 人 士 出 示 、 播 放 或 放 映 。