kinwai 發表於 2015-2-16 11:26:34

八通錶教學

八通錶教學

首先,八通錶有四個鍵:空\+10、往、停、收據\+1。
如果要睇大數,首先要停好車,按「空\+10」鍵三次,會顯示「4」,就會睇到大數啦。
如果要洗大數,首先要停好車,按「空\+10」鍵三次,之後按「往」鍵兩次,再按「空\+10」鍵兩次,會顯示「6」,就會洗左個大數啦。
注意,呢個大數係包埋附加費響裡面,如果要睇附加費,首先要停好車,按「空\+10」鍵三次,之後按「往」鍵十四次,會顯示「18」,就會睇到個附加費啦。
所以「4」顯示嘅大數要減埋個附加費先至係真正嘅大數。
其他應該唔駛教啦?!落旗要按「空\+10」鍵一次,如果要加十蚊附加費,要按「空\+10」鍵一次,如此類推‥‥‥
如果要加一蚊附加費,要按「收據\+1」鍵一次,如此類推‥‥‥
我記得仲有一點要注意嘅,但係又唔係好肯定,你地可以自己試下,就係起左旗之後唔可以印收據,所以按左「停」之後,唔好咁快按「空\+10」起返未旗,睇下個客要唔要收據先,如果要的話,就按「收據\+1」列印收據。

alanchunggs6687 發表於 2015-2-16 18:23:44

全對,講解清晰.連停車都提埋.精彩.

古大山 發表於 2015-2-16 22:44:18

爭咁一樣.....
錶裡面個鐘點較呀?????    :$

ARCHI 發表於 2015-2-17 17:25:47

C兄,有隻好新嘅錶,左右2排制,個隻錶又點操作.
小弟間唔中客串替夜,見過一两次,完全唔知用,淨係識落旗..HAHAHA
指教指教!

古大山 發表於 2015-2-18 08:25:02

本帖最後由 古大山 於 2015-2-18 08:28 編輯

ARCHI 發表於 2015-2-17 17:25
C兄,有隻好新嘅錶,左右2排制,個隻錶又點操作.
小弟間唔中客串替夜,見過一两次,完全唔知用,淨係識落旗..HAHA ...

#7   http://hk-taxi.com/bbs/viewthread.php?tid=6566611&highlight=

ARCHI 發表於 2015-2-18 10:18:59

感謝,c兄!
頁: [1]
查看完整版本: 八通錶教學

重要聲明:「香港的士論壇」是以即時上載留言的方式運作,「香港的士論壇」對所有留言的真實性、完整性及立場等, 不負任何法律責任。而一切留言之言論只代表留言者 個人意見,並非本網站之立場,用戶不應信賴內容,並應自行判斷內容之真實 性。於有關情形下,用戶應尋求專業意見(如涉及醫療、法律或投資等問題)。由於本 論壇受到「即時上載留言」運作方式所規限, 故不能完全監察所有留言,若讀者發現有留言出現問題,請聯絡我們。「香港的士論壇」有權刪除任何留言及拒絕任何人士上載留言,同時亦有不刪除留言的權利。切勿撰寫誹謗、人身攻擊、自問自答、開名、開車牌的言論,敬請自律。
警 告 : 本 物 品 內 容 可 能 令 人 反 感 , 不 可 將 本 物 品 派 發 、 傳 閱 、 出 售 、 出 租 、 交 給 或 出 借 予 年 齡 未 滿 18 歲 的 人 士 或 將 本 物 品 向 該 等 人 士 出 示 、 播 放 或 放 映 。