返回列表 發帖

又係港女 ---- 人不如狗

下午4點半,一街係手,條港女抱隻金毛尋回上車,我已耍手擰頭,
佢係都要上,我同佢講,我都係愛狗之人,但你要約束好隻狗,
我要求戴上口罩才接載,否則請另聘高明,
因為根據法例,的士司機有權拒絕接載寵物。

條港女話冇罩,我要求佢離開,
佢聲大夾惡,話我無理拒載,
我答:若我拒載,好簡單,
抄下我車牌和司機證,打28899999投訴就可以,
你不能在司機未同意下強行登車!
條臭西抱住隻狗,死都唔肯走。

擾讓半粒鐘,仍堅持我要載佢隻狗,
我多次解釋,根據香港法例第374D章第42條,
的士司機有接載狗隻與否的絕對酌情權,
條臭西報警,冇法,焗等!

15分鐘差佬仲未到,臭西撥輪,大概係打俾條仔卦,
扮晒可憐詐喊,話有個的士司機蝦佢,令佢好難過,
我即刻警告佢,咪製造假證據妨礙司法公正,
由開始至現在,我只係要求隻狗有罩才載,
佢仍然對住電話繼續喊,係詐喊,唔肯收口。

我擰部相機出來,警告佢,
我而家開始拍片,呢條片可能成為日後呈堂證據,
我要告你 騎刧的士,妨礙司法公正,
我將會追討 精神 及 營業 損失,
條片足足拍左10分鐘,如有需要,
我會公開呢條片,讓市民認識呢條港女。

最後,差人到,我當然岩晒,
我當面投訴,但係又俾人撳住要息事寧人,
司機人權何在?
前後阻左我一個鐘搵銀時間
唉,港女!

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

點解我一定要隻狗戴口罩呢?
我有過至少3次接載狗隻之不快經驗,
有次無啦啦俾隻狗咬一啖,一次俾隻狗舔,
另一次係隻狗跳去車頭噬起棚牙,
突然其來的對峙,幾乎炒鑊杰撻撻!

狗係忠心於主人,但對陌生人有戒心,
司機的駕駛動作可能被誤以為挑釁,而突然攻擊,
所以,以後我堅持,無論貓狗,
必須有穩固之約束裝置才接載。

重申:我係愛狗之人,家中亦有養寵物。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

點解咁L多人以為有錢大L晒?
養狗都唔識的士可拒載狗隻?
冇狗口罩或鐵籠或貓袋,學乜L野人搭的士?
冇私家車,學乜L野人養狗?

附錄:香港法例第374D章第42條條文
http://www.legislation.gov.hk/bl ... 07d701?OpenDocument
374D42.jpg

二十四小時電召的士電話: 5477 7777

附錄二:養狗需知,唔識法例,咪L學人養!

大型狗隻需狗帶牽引
根據香港法例第167章的《危險狗隻規例》第9條,廿公斤以上狗隻進入公眾地方,需被人以不長於兩米的狗帶穩妥地牽引,如果將狗隻栓在固定物體上,狗帶不可長於一點五米,否則可被罰款港幣25,000元及監禁三個月。

通過豁免試的大型狗隻、在郊野公園內或在大海游泳的狗隻可獲豁免。

危險及格鬥狗受管制
根據香港法例第167章的《危險狗隻規例》第7條,格鬥狗隻包括比特鬥牛梗、阿根廷杜告狗、巴西非拉狗、日本土佐犬及上述品種的任何混種狗隻,任何時候都要配帶識別頸圈,在公眾地方需戴上口罩及以不長於一點五米的狗帶牽引,違者可被罰款25,000元及監禁六個月。。

任可狗隻如在沒有被激怒的情況下,屢次襲擊人畜,可被宣告為危險狗隻。根據香港法例第167章的《危險狗隻規例》第12條,危險狗隻在公眾地方需戴上口罩及以不長於一點五米的狗帶牽引,否則可被罰款25,000元及監禁三個月。
http://tm-life.com/

TOP

V叔叔,支持你

TOP

條女好pk...............

TOP

我想睇片?

TOP

下午4點半,一街係手,條港女抱隻金毛尋回上車,我已耍手擰頭,
佢係都要上,我同佢講,我都係愛狗之人,但 ...
vacheron 發表於 25-8-2010 06:05 AM



    我都想睇下條八婆點樣無瀨

TOP

支持你,放上Youtube,
人逢順境不逞強-身處逆境不示弱

TOP

唔睇唔知 ~
原來可以拒載狗隻 ~   

一向以來我見到有狗都走夾唔抖 ~     

TOP

我想睇片?
小肥 發表於 25-8-2010 07:57 AM



影車廂內,見晒樣喎,得唔得?
V仔都出埋鏡

TOP

唔睇唔知 ~
原來可以拒載狗隻 ~   

一向以來我見到有狗都走夾唔抖 ~      ...
古大山 發表於 25-8-2010 08:25 AM



講法例,V仔有兩度...

TOP

返回列表
重要聲明:Taxi 香港的士論壇是以即時上載留言的方式運作,「香港的士論壇」對所有留言的真實性、完整性及立場等, 不負任何法律責任。而一切留言之言論只代表留言者 個人意見,並非本網站之立場,用戶不應信賴內容,並應自行判斷內容之真實 性。於有關情形下,用戶應尋求專業意見(如涉及醫療、法律或投資等問題)。由於本 論壇受到「即時上載留言」運作方式所規限, 故不能完全監察所有留言,若讀者發現有留言出現問題,請聯絡我們。「香港的士論壇」有權刪除任何留言及拒絕任何人士上載留言,同時亦有不刪除留言的權利。切勿撰寫誹謗、人身攻擊、自問自答、開名、開車牌的言論,敬請自律。
警 告 : 本 物 品 內 容 可 能 令 人 反 感 , 不 可 將 本 物 品 派 發 、 傳 閱 、 出 售 、 出 租 、 交 給 或 出 借 予 年 齡 未 滿 18 歲 的 人 士 或 將 本 物 品 向 該 等 人 士 出 示 、 播 放 或 放 映 。